Aita Guria baleontzia Bermeoko portuan kokaturik dago. XVII. mendeko itsasontzi baten erreprodukzioa da. Eta bale ehizaren Interpretazio Zentrua da. Izan ere XVII.mendea izan zen bale-ehizaren urrezko aroa, baleontzi euskaldunek Ternuara bidaia luzeak egiten zituzten, bertan uda igaro, eta kupelak baleen koipe edo olioaz beterik ekartzen zituzten, sasoi hartan aberastasun handia suposatzen zuena, Europa osoan saltzeko, batez ere bale-olioz (lumeraz) kurtzulu edo argi emateko lanparatxoak ornitzeko.